Wellen Time @[email protected]
87K subscribers - no pronouns :c
Wellen Time是一個多元化的頻道。Wellen除了會分享一些小知識，好讓大家身心靈都得到養份之外，還會介紹一些有
【Coffee with Tiffany EP 2 心 發光了（cc中文字幕）】 自己想出來的問題｜自己批判自己｜放鬆、開心、快樂的練習
「別人說你不好、差、笨、醜……只要你自己不加持，你永遠都是最好的！」
立即觀看影片：
https://youtu.be/XGl1ExI-nFE
支持 Wellen Time ，加入成為「覺醒家族」會員
youtube.com/channel/UCHGF54ayks05xX5p2vS3jdg/join
各位「覺醒家族」會員久等了，第一集Coffee with Tiffany上架喇！🤗第一集Tiffany會講自己過往一啲經歷，希望透過佢嘅經歷跟同路人共勉💪。
https://youtu.be/9NMqNVICA0E?si=fIwpJ...
第一次觀眾聚會，真係瞓唔著。瞓唔著一嚟固然係因為我噴咗成晚口水，太hyper，副偈未停到。二嚟係我好開心見到好多想追求身心靈平𧗾嘅朋友，好明白細佬呢幾年嚟做緊乜。雖然今晚只得廿両友，但係睇住你哋好留心咁聽我唔停咁噏呢噏路，我感到好似向全世界做緊talk show。除咗多謝呢廿幾位觀眾出席，其實都想借呢個機會多謝一直支持Wellen Time嘅朋友。我畫面唔靚收音久唔久好差，出片有時又慢，尤其會員片啦吓！但係你哋都可以包容我、支持我，小弟衷心感謝大家！🙇♂️
今日拍低咗喇，遲啲剪條精華大家睇。
老土核酸都要講㗎喇：I love you all！沒有你哋，Wellen Time唔單止摺埋，Wellen仲可能會墮落添！
特別鳴謝：
感謝 @y_our_s___ 贊助三張地蓆做獎品
感謝 @yudei.hk 大廚阿魚整咗餐咁好食嘅raw food dinner，還有其他手足，今晚辛苦你哋喇！
感謝 @yudei.hk Lester悉心安排，令整個聚會順利進行
感謝年青人 @polaris9.tarot Nero請假幫拖拍攝
我一定會再搞聚會，但形式或許有變，到時話你知！🤗
#love
全息宇宙
聽Tiffany講，呢個世界任何一點（講緊人間可量度最細嗰點Planck），都裝住全宇宙嘅所有嘅資料。不受時間、維度、人為所限制。即係阿邊個以前做過乜、去過邊、講過咩、將來又會點⋯⋯都會響虛空留痕，永不磨滅。只要能突破「奇點」，呢個宇宙你就乜七都知，乜九都曉，打斜行都仲得。
唔知咩係奇點就刨吓Breakfast with Tiffany 先。如果有人突破到奇點知道我呢幅相exac7ly響邊度影，咁你應該唔簡單呀（估到都叻），我會有嘢獎過你。當然你會話，影張咁嘅相就叫人估，你都低能。em…就一齊低能一次啦，有獎喎，咪埋眼feel吓呢個全息宇宙，睇吓自己突破奇點嘅能力去到邊都好呀！玩吓囉，又唔使錢。
估到嘅，我請你食飯，最好多幾個估到啦，大家可以吹下水。估到仲要影到張有你響同樣位置嘅相，冇辦法喇，我哋曾經響同一維度留痕咁有緣份，一定要請你食飯兼加送一張 @y-our-s接地蓆一張，價值HK$588。
其實，我懷疑我真係低能，根本就好易估😂。
所以答案隨時公布！免得我破產都唔夠送禮請食飯。準確位置喎！我已經影埋個景嘅後面！玩吓啦香港人！😘
*得獎最多十個人，先估中先得
**呢個無聊遊戲將於Youtube社群、IG、FB同步進行
***遊戲細則及條款我話事😂
#全息宇宙
#超級無敵無聊估地方
#突破奇點即係打坐入定呀
#你用科技估到你威囉
#如果呢個地方我未去過點估
#咪就係要突破奇點囉
【六嚿水一杯咖啡，抵呀！（會員專屬影片）】 被抄牌後的心路歷程｜起心動念｜明知故犯｜情緒轉化拍片
「揸開車嘅，有邊個未試過俾人抄牌吖？冇人願意俾人抄牌㗎，抄得有理冇理，都係唔like 㗎。嗰一刻起嘅嗔怒心，你會點處理？」
*本片贊助：YOURS 接地產品 www.y-our-s.com/shop/grounding
#抄牌 #起心動念 #明知故犯 #情緒轉化
立即觀看影片：
https://youtu.be/2vy4CK0AuNk?si=AORcZ...
支持 Wellen Time ，加入成為「覺醒家族」會員
youtube.com/channel/UCHGF54ayks05xX5p2vS3jdg/join
💧落地板>樓下天花再地板…. Ground floor>….. 地心，地球從此降温，冰河時期開始。
#屋企周圍都係佢嘅口水印
#任何時候佢𡃶你塊面都係濕哂
#BB流口水好cute大人就好Q猥瑣
#唔知點解你係唔會介意佢D口水揩到你周身都係
［24/7 Talk少許補充］
Yo，it’s freaking insane dude！（Brian腔）睇咗Wellen響24/7 Talk個訪問未？有睇又有冇睇到尾先？後面先正喎！
https://youtu.be/8CIWHN0YEhM?si=_dX0G...
今次受訪真係萬分期待，個人覺得，24/7係香港最L型嘅訪談節目，你淨係睇以前訪問過嘅嘉賓：杜汶澤、黃秋生、谷德昭、葛民輝、詹瑞文、夏永康……喂，個個都堅過馬騮lin呀，能有幸可以上去吹吹水，仲要兩集（聽聞未試過），Wellen豈能揸流攤，講埋啲自己台都有講嘅三幅被呢？
所以我去之前都度下講咩，回憶下。最值得分享嘅咪又係死藤水嘅體驗。不過今次講嘅應該大家都未聽過，就算一齊去飲嘅小克同阿Wing都未聽過，甚至可能聽過但發現version有少許出入，何解呢？
因為杯茶嘅教導唔係淨係飲嗰一刻，而係一直都陪住我，而當刻所領略係會隨著時間而變。
如果有睇亦記得，我咪話有一晚嘅lesson係戒酒嘅，要我諗一句說話，諗到我就唔會咳。結果我咳咗成晚，最後我臣服(surrender)，話我戒酒喇，個咳就停喇！跟住主持阿肥就話，哦，嗰句說話原來就係「我要戒酒」。其實唔係咁。訪問當刻我響萬分之一秒發生咗以下嘅思想對話兼答埋阿肥：
乜係「我要戒酒」呢句咩？
響飲咗茶嘅狀態，我淨係知道我諗極都諗唔到嗰句說話，好L痛苦，就係咁咳。之後突然湧咗個「不如戒酒」嘅念頭，而唔係說話，咁個咳就停咗。反而當時係冇諗到，「吖，我終於諗到嗰句說話喇」。由2016年到今次訪問嗰一刻，我都冇諗過我係諗到邊句說話，一直同人講都係話諗唔到。所以當阿肥一講，我直頭叮一聲，佢好似幫我填補咗某個空缺，我就九秒九答係，就係呢句。非常感激佢，好似幫我搵返一啲連我自己都唔知道唔見咗嘅嘢，多謝你阿肥！
「我要戒酒」呢句說話響八年前開始發酵，直到而家先真正生效。老實講，酒我仲係有飲的，但係已經擺脫咗以前被酒精控制嘅人生。現在閒日完全冇飲，淨係飯局先飲。而且已經建立左一個響和B瞓咗後嘅夜晚生活習慣，就係先拉筋、再睇吓佛經，然後打個坐先瞓覺。以前響往酒精所帶來嘅意識轉變狀態，打坐都得啊，而且嚟得更C服乾淨！
至於同太太嘅前世因緣，我係講錯咗。所以你話記憶嘅嘢真係靠唔L住。
實情係，第一晚我老婆已經見到我同佢嘅前世關係，醒咗佢話要講我聽，但我就即刻stop佢唔好講住，等第二晚我飲完自己問，睇吓match 唔match。結果我就見到佢係一隻雌鹿，而佢第一晚就見到我係一隻靚仔雄鹿。所以係分開兩晚嘅。故事係有少少唔同，但都係咁痴L線。
知道呢啲嘢咁又點？其實除咗好得意好過癮，就係令我覺得自己真係好渺，兼且唔好咁沙泡立亂去否定一啲自己唔知道嘅嘢。今日收到個fd send咗個Po畀我話，杯茶笨唔係覺醒嘅捷徑，只係反映你要做啲咩去療癒同埋轉化自己。套落其他靈性活動玩意甚至宗教其實都適用。唔好以為得到咩法、邊個指點、信咗邊個……你個人生就搞L掂，所有嘢都係自己嘅心理活動。好好守護自己個心，已經足夠強大去處理人生不同階段嘅問題。其實唔一定要飲死藤水。
24/7 Part 2錄咗㗎喇，但講咗啲乜我而家真係唔記得，你話死唔死？有人話，嘩，你講啲咁正嘅嘢，點解唔留返響自己台講呀，嘥Q晒！呢個都係心理活動，能夠捨棄一啲自己覺得珍貴嘅嘢而讓別人又有得著，yo，that’s fucking cool man！我唔係話我威，而係學咗就要做，就好似我最近訪問嘅嘉賓Angus @buddhabassist有一個po所講：「拒絕口頭禪式學佛」！做啦仆街！
#247talk #死藤水 #臣服 #戒酒 #前世今生 #口頭禪 #學佛
#其實 @djkeepintouch 阿傑講嘢細聲但佢講咗啲精警又得意嘢大家又聽唔到😂
【Discipline紀律】
我個人幾十年嚟都冇乜紀律、自我約束嘅習慣，因為唔知為乜，不過最近有啲喇！你呢？你有冇紀律㗎？講嚟聽吓你嘅自我約束經驗呀！點解同埋點做到㗎？請留言話我知，開一集探討下。
P.S. BB係冇discipline可言…..
#discipline #紀律 #自我約束 #守戒
《人生的四季》
最近發生咗好多嘢，做咗啲嘢，get咗啲嘢，賴咗啲嘢咁啦！
其實日日都有嘢發生㗎啦，只不過冇攞出嚟講啫！
前排應個瑜珈朋友邀請，做咗佢個workshop嘅分享嘉賓，講吓我嘅靈性之路係點行呀、什麼小我大我無我呀、點打坐呀、又解答參加者一啲「靈性」問題……滔滔不絕，講咗粒幾鐘。當日拍低咗，仲諗住放會員頻道添。到要剪嗰吓，剪咗冇幾分鐘，虛空中傳來一把聲音：喂，阿Wellen，你咩新絲蘿蔔皮，同人分享靈性心得？當場講嗰啲嘢有冇誤人子弟呀？仲要放會員頻道，嫌害人唔夠呀？於是再聽多幾分鐘自己噏乜，唉，算把啦，熄機，食支煙反思吓先！
未夠，workshop嘅翌日，我又去咗一個網台，本來做一集分享嘉賓。點知我好似前世冇講過嘢咁，一噴就噴咗兩粒鐘口水，仲要噴唔哂，主持唯有再約噴多集。於是又約咗一個星期後再上佢哋嘅節目，繼續噴多兩粒鐘口水。
嘩，四粒鐘你講咩呀大佬？都係講自己以前，講自己條路點行，講自己乜講自己物，講咗啲響自己個台冇講過嘅嘢，講咗啲粗口咁啦！唉，呢兩集人哋出硬街，希望到時唔好拖低人哋收視啦！（得喇，遲啲話俾大家知我去咗邊個台發噏風）
Worksop個分享就唔會出街喇，因為講得唔係太好，懶係大師上身咁，不知所謂。所以瑜珈老友見到呢篇文請勿見怪。至於人家嘅片，大家到時睇完再評論啦！
不過其實做呢兩個分享，我自己有好大得著。因為要做足準備，所以就乖乖地，老老實實，回顧自己嘅人生一次。尤其去人家地頭，主持事先講到明係針對Wellen呢個人嘅人生嚟做訪問，所以我真係要坐定定，諗吓我過往嘅人生有咩值得分享俾人聽。
分咗好多日諗，唔知點解圍繞嘅題目都係以往自己點衰點壞，反而冇乜光輝嘢想同人講（因為真係冇）。但係一路嘅思維就係想講俾人哋知，無論以前點衰點仆街點沈淪、幾威幾勁幾輝煌，一切都係為咗造就今日嘅自己。好似酗酒問題，我當然有分享啦！就係回想自己酗酒嘅日子，我反而感恩有呢段沈淪嘅時間，令我感受過無明失落嘅痛苦，而現在可以警惕到自己要覺知呢種無名失落嘅生起，從而懂得用正確嘅方法去處理。無明喎，唔知點解喎，咪就係唔知點解唔開心，行過車行就買咗架電單車（或者你就買咗個幾萬蚊嘅袋啦！），過兩日就唔鍾意；唔知點解有朋友約食飯，就硬係唔想覆；唔知點解屋企人關心你就覺得煩；唔知點解地圖明明叫轉左，偏要直行⋯⋯生活太多唔知點解就做咗嘅嘢，事後就後悔甚至自責。
到今天仲有冇唔知點解就做咗嘅嘢呢？咁梗係有啦！但係多咗樣又少咗樣嘢，就係多咗覺察，少咗情緒。好似Workshop嘅分享，就覺察到自己嘅ego，響某啲情況係點運作：哦，有人問呀，就大師上身，有人challenge 呀，就反駁隊隊長上身，有人認同呀，心裏就沾沾自喜。每種心理狀態都係滿足個小我，而呢個小我係永遠都餵唔飽㗎！小我越嚟越大係唔會變大我㗎，只會乞人憎。
挑，有小我咪有小我囉，有乜所謂啫？我都唔care人哋點睇。
See，上面一路就講ego點唔好，格一行就已經冇所謂，又推翻自己。所以最近另一個最大領悟就係推翻自己，唔落入任何觀念。喂，「不落入任何觀念」都係一個觀念啊！咁聽日咪又推翻囉，搵個觀念又篤信吓，到咁上下又推翻。呢種不斷推翻自己嘅行為，就好似行路咁，唔會淨係用左腳或者右腳，一定係左完就右右完就左，而形成一個動態平衡，唔執著任何一邊，連不左不右好短暫嘅中間都唔係，否則停留是但一邊太耐太堅持都會仆街！
人生就係咁樣不斷左中右左中右⋯⋯？
所以，個workshop分享講得唔好咪唔好出街囉，以前就會care，拍咗喎，唔出咪好嘥？嘥咪嘥囉，感受吓「嘥咗」呢個狀態有助成長啊！咁去人哋度鳩噏咗四粒鐘，你講得好唔好先？好又點唔好又點？一切都只係happenings，就讓呢啲happenings happen啦，無謂再滋養個ego。不過我覺得講得唔差囉，尤其粗口發音準確冇懶音兼啱grammar。
講咁耐，不斷自相矛盾喎！都唔係好明你想表達啲乜！係咩？咁就繼續講喇！
前兩日出嘅Breakfast with Tiffany Ep18就講到，我哋嘅意識係可以shift去唔同嘅timeline。做節目時都係一知半解，得Tiffany知自己講乜。但係今日我明喇！如果四十歲前，我嘅生活係咁「沈淪」，現在嘅我的確係可以定義或者形容四十歲前嘅人生就係冬天，空虛寂寞凍。但係只要我稍為調一調個mindset，好似上面咁講，感恩四十歲前發生嘅一切，以前認為嘅冬天即刻變春天，夏天都仲得。即使而家外圍環境嚴寒似冬，內心嘅passion都可以温暖自己，甚至温暖別人。其實過去、現在、將來一切嘅發生，我都可以賦予我喜歡嘅意義，冇羈絆冇負累，自在自然出現！原來調mindset係唔使用力，只係選擇而已！
唉，都唔知你噏乜鳩，一時一樣，咁最近仲做咗啲乜呀？實在啲喎！嘿，你都咪話唔驚，前排問黎曉陽攞咗首佢啲倉底貨（條友有大量作咗冇出街既音樂），我膽粗粗，填咗詞，自己唱埋。而家差小小編曲、和音，vocal再唱過，之後搵人mastering再拍埋MV，直頭好似林家謙咁，自己出歌囉，闖樂壇做歌手囉，問你怕未？人一世物一世，做啲自己從來冇諗過嘅嘢，（歌詞）「浮生夢遊一趟，和光嬉戲，灑脫拋開生與死」，咪理咁多，乜都試吓玩吓吖嘛！希望盡快可以搞掂首歌俾大家聽。不過做歌手就講吓笑啫，呢個世代，發表下咪算囉！唔使咁認真。see，又推翻自己。🤟
支持 Wellen Time ，加入成為「覺醒家族」會員
youtube.com/channel/UCHGF54ayks05xX5p2vS3jdg/join
【會員專屬影片】
【順勢療法醫師Arden Wong專訪 Q&A（cc 中文字幕）】 屠宰時的負能量｜靚靚皮膚｜靈性飲食｜情緒病｜維他命｜尿療法｜B12的誤解｜ 血液的酸鹼｜農藥｜原住民飲食
「 經過Arden兩集對飲食翻天覆地的見解，以後大家放什麼入口，相信應該會有自己的一套了。Q&A 還有其他議題探討。」
立即觀看影片：
https://youtu.be/WdWP088DZ98
節目分段內容：
00:00:00 屠宰時的負能量
00:03:36 靚靚皮膚
00:16:14 靈性飲食
00:23:52 維他命
00:31:04 血液的酸鹼值
00:39:24 農藥
Arden Wong聯絡資料：
www.gentlemedicine.info/ardenwong
www.facebook.com/ardenwong
Wellen Time Facebook:
www.facebook.com/wellen.time.96
Wellen Time Instagram
instagram.com/wellen_time
Email：[email protected]
加入成為「覺醒家族」會員
youtube.com/channel/UCHGF54ayks05xX5p2vS3jdg/join
#順勢療法 #素食 #肉食 #斷食 #生酮飲食 #屠宰時的負能量 #靚靚皮膚 #維他命 #靈性飲食 #血液的酸鹼值 #農藥
Wellen Time是一個多元化的頻道。Wellen除了會分享一些小知識，好讓大家身心靈都得到養份之外，還會介紹一些有趣的朋友給大家認識。透過訪問，了解受訪者的人生觀！